einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich489 daz siz in müese sagen, si sprach: >ir möhtet mit mir klagen. waz mac uns mê gewerren danne an unserm herren, daz wir den suln verliesen 494 und mit im verkiesen beide guot und êre? wir gewinnen niemer mêre deheinen herren alsô guot der uns tuo daz er uns tuot.< 499 Si sprâchen: >tohter, dû hâst wâr. nû vrumet uns niht umbe ein hâr unser riuwe und diu klage. liebez kint, dâ von gedage! ez ist uns alsô leit sô dir. 504 leider, nû enmuge wir im ze deheinen staten komen. got der hât in uns benomen. hetez iemen anders getân, der müese unsern vluoch hân.< 509 alsus gesweicten si si dô. |