einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6612 sône mac ich mîn kintdeheinem manne gegeben. wâget, rîter, daz leben. nû ist iu lîhte guotes nôt: werdet rîche, od liget tôt.6617 waz ob iu sol gevallen der prîs vor in allen? ja gelinget einem ofte an zwein.' des antwurte im her Îwein diu gelîche als er wær verzaget6622 'iuwer tohter ist ein schœniu maget unde ist edel unde rîch: sone bin ich niender dem gelîch daz ich ir möhte gezemen. ein vrouwe sol einen herren nemen:6627 ouch vind ich ein wîp wol, swenn ich wîp nemen sol, dâ mir mîn mâze an geschiht. ichn ger iuwer tohter niht. ouch enwil ich niemer mînen lîp6632 gewâgen umbe dehein wîp |