einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6791 der ander lebete dannoch:der muose sich im iedoch gar in sîn genâde geben: dô liez er in durch got leben. daz sich des portenæres drô6796 unde sîn spot alsô ze vreuden hât gekêret, des sî got iemer gêret. Dô er den sige dâ gewan, dô bôt in der wirt an6801 sîne tohter und sîn lant. er sprach 'wære iu daz erkant wie gar mîne sinne eins andern wîbes minne in ir gewalt gewunnen hât,6806 sô hetent ir des gerne rât daz ich iemer wurde ir man, wand ich niemer werden kan stæte deheinem wîbe wan ir einer lîbe6811 durch die mîn herze vreude enbirt.' |