einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6515 âne sîn selbes wîpnie süezer rede noch schœnern lîp. Dô sich die viere gesunderten sô schiere, dô mohtens under in beiden6520 gelîche sîn gescheiden des muotes sam der jâre. ich versihe mich wol zewâre, ir herze wâren mislich. diu zwei jungen senten sich6525 vil tougen in ir sinne nâch redelîcher minne, unde vreuten sich ir jugent, und redten von des sumers tugent und wie sî beidiu wolden,6530 ob sî leben solden, guoter vreude walten. dô redten aber die alten, sî wæren beidiu samet alt und der winter wurde lîhte kalt:6535 sô soldens sich behüeten |