einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1091 got und ir dienesthaften muot.der rât was gevüege und guot. Nû nam der abbet dâ den rât, daz golt und die sîdîne wât, und gap dem armen dô zehant1096 der sich des kindes underwant zwô marke von golde dâ mite erz ziehen solde, dem andern eine marke daz erz hæle starke.1101 daz ander truoc er von dan. der vil sælige man, vil wol gehielt er im daz, dêswâr er enmöhte baz, wande erz ze gewinne kêrte1106 unz er imz wol gemêrte. Der arme vischære niht enliez er entæte als in sîn herre hiez. dô im der mitte tac kam, daz kint er an den arm nam:1111 sîn wîp gie im allez mite |