einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3031 Des nahtes wart er geleitwider sîner gewonheit in ein sô armez hiuselîn daz ez niht armer enmöhte sîn: daz was zevallen, âne dach.3036 man schuof dem vürsten selh gemach der vil gar unmære sînem aschman wære. er vant dar inne swachen rât, weder strô noch bettewât:3041 im truoc daz guot wîp dar in ein lützel rôres under in. dô leite er gehalten sîne îsenhalten und sîne tavele dar zuo,3046 daz er si vunde morgen vruo. Wie lützel er die naht lac! sînes gebetes er phlac unz in diu müede übergie. dô er ze slâfe gevie,3051 dô was ez nâhen bî dem tage. |