Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

466 si sprach: 'gehabe dich als ein man,
      lâ dîn wîplich weinen stân
      (ez enmac uns leider niht vervân)
      und vint uns etelîchen rât,
      ob wir durch unser missetât
471 âne gotes hulde müezen sîn,
      daz doch unser kindelîn
      mit uns iht verlorn sî,
      daz der valle iht werden drî.
      ouch ist uns ofte vor geseit
476 daz ein kint niene treit
      sînes vater schulde.
      ja ensol ez gotes hulde
      niht dâ mite hân verlorn,
      ob wir zer helle sîn geborn,
481 wande ez an unser missetât
      deheiner slahte schulde hât.'
       Nu begunde sîn herze wanken
      in manigen gedanken.
      ein wîle er swîgende saz.
486 er sprach: 'swester, gehabe dich baz.

[ zurück ]