einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1348 sîn heil begunder gote clagen,daz ir ie dehein ungemach von sînen schulden geschach. sô nâhen gienc im ir nôt, in dûhte des daz sîn tôt1353 unclägelîcher wære dan ob sî ein vinger swære. Nû ist uns ein dinc geseit vil dicke vür die wârheit, swer den andern habe erslagen,1358 und wurder vür in getragen, swie langer dâ vor wære wunt, er begunde bluoten anderstunt. nû seht, alsô begunden im bluoten sîne wunden,1363 dô man in in daz palas truoc: wan er was bî im der in sluoc. dô daz diu vrouwe rehte ersach, sî ruofte sêre unde sprach 'er ist zewâre hinne1368 und hât uns der sinne |