Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1731 do begunde in dô an strîten
        zuo den andern sîten
        daz im gar unmære
        älliu diu êre wære
        diu im anders möhte geschehen,
1736 ern müese sîne vrouwen sehen,
        von der er was gevangen.
        schiere kam gegangen
        diu guote maget diu sîn pflac.
        sî sprach 'ich wæne ir swæren tac
1741 und übele zît hinne traget.'
        er sprach 'daz sî iu widersaget:
        wan ichn gewan liebern tac nie.'
        'liebern tac? saget, herre, wie
        mac sich daz gevüegen?
1746 wan die iuch gerne slüegen,
        die seht ir hie umbe iuch gân:
        mac ein man danne hân
        guoten tac und senfte zît
        der ûf den lîp gevangen lît,
1751 ern wære danne des tôdes vrô?'
[ zurück ]