einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3621 sî sprach 'gebietet über mich:swaz ir gebietet, daz tuon ich,' und vrâget in der mære wie er dar komen wære. Dô sprach her Îwein3626 als ez ouch wol an im schein 'dâ hân ich mich hie vunden des lîbes ungesunden. ichn kan iu des gesagen niht welch wunders geschiht3631 mich dâ her hât getragen: wan daz kan ich iu wol gesagen daz ich hie ungerne bin. nû vüeret mich mit iu hin: sô handelt ir mich harte wol,3636 und gedienez immer als ich sol.' sî sprach 'rîter, daz sî getân. ich wil mîn reise durch iuch lân: mich hete mîn vrouwe gesant. diu ist ouch vrouwe über diz lant:3641 zuo der vüer ich iuch mit mir. |