einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein682 sî huoben aber ir süezen brahtund sungen verre baz dan ê. mirn wart dâ vor nie sô wê, desn wær nû allez vergezzen. alsus het ich besezzen687 daz ander paradîse. die selben vreude ich prîse vür alle die ich ie gesach. jâ wând ich vreude ân ungemach unangestlîchen iemer hân:692 seht, dô trouc mich mîn wân, Mir nâhte laster unde leit. nû seht wâ dort her reit ein rîter: des geverte was grimme und alsô herte697 daz ich des wânde ez wære ein her. iedoch bereite ich mich ze wer. sîn ors was starc, er selbe grôz; des ich vil lützel genôz. sîn stimme lûte sam ein horn:702 ich sach wol, im was an mich zorn. |