einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage74 mir wære daz leben sô ze lanc.Dû bist weizgot vil betrogen. ofte hâst dû mir gelogen unz hin daz nû dîn übeler rât vil ungenislîchen hât79 verleitet mich armen lîp mit dînem gewalte an ein wîp. Mich hiezen dîne sinne ir dienen umbe minne; dû zaltest mir ir güete vil,84 als der den andern triegen wil, und wie wol ez mir ergienge ob sî mîn gnâde vienge. jâ ist sî leider ze guot; daz ist daz mir den schaden tuot,89 wan ich sîn niht geniezen mac. ich hân alsô manigen tac von ir güete vil vernomen, nû bin ichs an ein ende komen. sît sî rehte wart gewar94 daz mîn freude alsô gar |