einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3193 der hâte si von êrste ersehen -"ich sihe dort rîten einen man: als ich ez verre kiesen kan, er vüeret eine vrouwen. ir muget wol schouwen, 3198 an ir geverte sint si rîch: ir kleider sint hêrlîch. hie endet unser armuot: mich dunket, si vüerent michel guot. nû sult ir herren sîn gemant 3203 daz iu diu triuwe sî erkant, waz wir under uns gelobet hân, und sult mir die wal lân an disem roube, und daz mir erloube 3208 vor iu iuwer beider munt die êrsten tjost hie zestunt diu wider den ritter sol geschehen, wan ich si von êrste hân gesehen. ist daz ich im benim den lîp, 3213 sô wil ich niuwan daz wîp: |