Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

311 swâ iemen dehein guot geschiht,
      und enhenget sîn niht
      swâ erz mac erwenden.
      sus gedâhte er si phenden
      ir vreuden und ir êren,
316 ob er möhte verkêren
      ir vreude ûf ungewinne.
      an sîner swester minne
      sô riet er im ze verre
      unz daz der juncherre
321 verkêrte sîne triuwe guot
      ûf einen valschen muot.
       Daz eine was diu minne
      diu im verriet die sinne,
      daz ander sîner swester schœne,
326 daz dritte des tiuvels hœne,
      daz vierde was sîn kintheit
      diu ûf in mit dem tiuvel streit
      unz er in dar ûf brâhte
      daz er benamen gedâhte
331 mit sîner swester slâfen.
[ zurück ]