einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich817 daz ich iu sî undertân, wan ich den lîp von iu hân; daz leiste ich âne riuwe. ouch sol ich mîne triuwe an mir selber niht brechen. 822 ich hôrte ie daz sprechen: swer den andern vreuwet sô daz er selbe wirt unvrô und swer den andern krœnet und sich selben hœnet, 827 der triuwen sî joch ze vil. wie gerne ich iu des volgen wil daz ich iu triuwe leiste, mir selber doch die meiste! welt ir mir wenden mîn heil, 832 sô lâze ich iuch ein teil ê nâch mir geweinen, ich enwelle mir erscheinen wes ich mir selbe schuldic bin. ich wil iemer dâ hin 837 da ich volle vreude vinde. |