Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2002 des wart her Îwein unvrô.
        diu maget und her Îwein
        begunden ahten under in zwein
        daz sîz noch versuochte baz,
        ob sî ir vrouwen haz
2007 bekêrte mit guote
        ze senfterem muote.
         Dô diu vrouwe ir maget vertreip
        und sî eine beleip,
        dô begundes sêre riuwen
2012 daz sî ir grôzen triuwen
        wider sî sô sêre engalt,
        wand sî ir vluochet und sî schalt.
        si gedâhte 'waz hân ich getân!
        ich solde sî geniezen lân
2017 daz sî mir wol gedienet hât.
        ich weiz wol daz sî mir den rât
        niuwan durch alle triuwe tete.
        swâ ich gevolget ir bete,
        daz enwart mir nie leit,
2022 und hât mir ouch nû wâr geseit.
[ zurück ]