Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2417 wan ez was michel vuoge.
        dâ wâren pfaffen genuoge:
        die tâten in die ê zehant.
        sî gâben im vrouwen unde lant.
         Vrou Laudîne hiez sîn wîp.
2422 sî kund im leben unde lîp
        wol gelieben mit ir tugent.
        dâ was geburt unde jugent,
        schœne unde rîcheit.
        an swen got hât geleit
2427 triuwe und andern guoten sin,
        volle tugent, als an in,
        und den eins guoten wîbes wert,
        diu niuwan sînes willen gert,
        suln diu mit liebe lange leben,
2432 den hât er vreuden vil gegeben.
        daz was allez wænlich dâ.
        hie huop sich diu brûtlouft sâ.
        des tôten ist vergezzen:
        der lebende hât besezzen
2437 beidiu sîn êre und sîn lant.
[ zurück ]