Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3114 daz ich iuch gruozte von ir,
        und iuwer gesellen über al;
        wan einen: der ist ûz der zal:
        der sol iu sîn unmære
        als ein verrâtære.
3119 daz ist hie der her Îwein,
        der niender in den siten schein,
        dô ich in von êrste sach,
        daz untriuwe ode ungemach
        ieman von im geschæhe
3124 dem er triuwen verjæhe.
        sîniu wort diu sint guot:
        von den scheidet sich der muot.
        ez schînet wol, wizze Krist,
        daz mîn vrouwe ein wîp ist,
3129 und daz si sich niht gerechen mac.
        und vorht er den widerslac,
        sô heter sîs vil wol erlân
        daz er ir lasters hât getân.
        in dûht des schaden niht genuoc
3134 daz er ir den man sluoc,
[ zurück ]