Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

695 Sô dû an dem bette lîst
      und aller sorgen verphlîst,
      sô wache ich und hân ahte
      vil harte maniger slahte
      wie ich ez bringe dar zuo
700 daz sî dînen willen getuo
      und bin ir allez nâhen bî.
      doch ich hie heime in dir sî,
      ich enkume niemer von ir.
      dâ von ist ez daz sî dir
705 erschînet in dem troume.
      nû nim der rede goume.
      Swaz dir troumende geschiht,
      daz enist ouch anders niht
      wan mîn eines arbeit.
710 sô sprichestû, dû habest leit;
      ouwê wie sælic dû bist!
      für sorgen kan ich deheinen list
      wan einen, der ist ouch guot,
      daz ich allen mînen muot
715 ûf anders niht gewendet hân

[ zurück ]