Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

416 ein iegelîche man
      daz er swester und niftel sî
      niht ze heimlîche bî:
      ez reizet daz ungevüere
      daz man wol verswüere.
421 Alsô der junge
      selhe wandelunge
      an sîner swester gesach,
      er nam si sunder unde sprach:
      'vil liebiu swester, sage mir,
426 dû truobest sô, waz wirret dir?
      ich hân an dir genomen war,
      dû schînest harte riuwevar.
      des was ich an dir ungewon.'
      nû begunde si dâ von
431 siuften von herzen.
      den angestlîchen smerzen
      erzeicte si mit den ougen.
      si sprach: 'des ist unlougen,
      mir engê trûrennes nôt.
436 bruoder, ich bin zwir tôt,
[ zurück ]