Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

2080 ir benam diu vrouwe ir swære
        mit guotem antfange.
        sine saz bî ir niht lange
        unz sî sî vrâgen began.
        sî sprach 'durch got, wer ist der man
2085 den dû mir gester lobtest
        (ich wæne dû niht tobtest,
        wan ez entohte deheinem zagen)
        der mînen herren hât erslagen.
        hât er die geburt und jugent
2090 und dâ zuo ander tugent,
        daz er mir ze herren zimt,
        und swenn ez diu werlt vernimt,
        daz sî mirz niht gewîzen kan
        ob ich genomen habe den man
2095 der mînen herren hât erslagen,
        kanstû mir daz von im gesagen
        daz mir mîn laster ist verleit
        mit ander sîner vrümekheit,
        und rætestû mirz danne,
2100 ich nim in zeinem manne.'

[ zurück ]