Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

774 wan ez ist ein betrogen êre
      und ein kintlîcher wân.
      als ich nû gesprochen hân,
      sô kan ich dir bescheiden wol
      wes ein man geniezen sol:
779 tugende unde sinne,
      sô sint ez reine minne.
      Von diu swem ez sô geziuhet
      daz im daz heil vor fliuhet
      und er niuwan sînen gruoz
784 mit tugenden verdienen muoz,
      als ez dir, lîp, ist gewant,
      dem muoz werden erkant
      wes er die liute dunket wert.
      erwirbet er iht des er gert,
789 der mac im selben danc sagen
      und den muot dâ von wol hôhe tragen.
      Jâ wæne ie dehein man
      âne kumber liep gewan.
      wir haben des mêre vernomen
794 von manigem, der doch volkomen
[ zurück ]