Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1255 „Sô solt dû liebes dich versehen.“
        daz müeze uns beiden noch geschehen.
        „dîn wünschen hilfet dich niht ein hâr.“
        herze, daz ist vil wâr.
        „wünschen was unmanlich ie.“
1260 nû wil ouch ich ez versprechen hie.
        „ist dir nâch ir minne nôt?“
        jâ enminnet sî mich niht, ez ist mîn tôt.
        „sô lâ dînen ernest wesen schîn.“
        swie dû gebiutest, herze mîn.
1265 „swie tump ich nû selbe bin,
        ich wil dir râten gæben sin.“
        herze, den vernim ich gerne
        ze diu daz ich in lerne.
        „Lîp, nû solt dû volgen mir:
1270 daz ist nieman als guot als dir.
        ich hôrte dich zouber versprechen:
        daz gelübede muost dû brechen.
        wil dû iemer gewinnen heil
        oder liebes deheinen teil,
1275 sô lerne einen zouberlist
[ zurück ]