Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3236 daz er wart blôz sam ein hant.
        sus lief er über gevilde
        nacket nâch der wilde.
         Dô diu juncvrouwe gereit,
        nû was dem künege starke leit
3241 hern Îweines swære,
        und vrâgte wâ er wære.
        er wold in getrœstet hân
        unde bat nâch im gân.
        und als in nieman envant,
3246 nû was daz vil unbewant
        swaz man im dâ gerief,
        wander gegen walde lief.
        er was ein degen bewæret
        und ein helt unerværet:
3251 swie manhaft er doch wære
        und swie unwandelbære
        an lîbe unde an sinne,
        doch meistert vrou Minne
        daz im ein krankez wîp
3256 verkêrte sinne unde lîp.
[ zurück ]