Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

226 daz er sîn iht würde gewar
      dem er hete gevolget dar.
      nû er suochende reit
      wer in durch sîne vrümekeit
      des nahtes næme in sîne phlege,
231 nû vant er an dem wege
      von den liuten grôzen schal.
      diu hiuser wâren über al
      beherberget vaste:
      der sich sîn ze gaste
236 wolde underwinden,
      den enkunde er niender vinden.
      ouch was er habelôs dâ gar.
      er enhete sich niht gewarnet dar:
      wan in kam diu reise gâhes an,
241 als ich iu dâ vor gesaget han.
      er enhete dâ niht mêre,
      daz bekumberte in dô sêre,
      wan daz pherit und sîn gewant.
      ouch was er dâ unerkant,
246 daz im niemen zuo sprach
[ zurück ]