einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7511 si begunden dar gâhen,wand sî sî gerne sâhen sô vriuntlichen gebâren. und wer sî beide wâren, dazn was dâ nieman erkant,7516 wan als man ez sît bevant. ouch heten die helme unt tiu naht ir gesiune bedaht unttes kampfes grimme verwandelt ir stimme,7521 daz sî dâ wâren unerkant, enheten sî sich niht genant. 'Ei', sprach mîn her Îwein, 'der tac der dâ hiute schein, daz swert daz den slac truoc7526 den ich hiute ûf iuch gesluoc, diu müezen gunêret sîn. her Gâwein, lieber herre mîn, waz mac ich sprechen mêre wan daz ich iuch êre7531 als iuwer rîter und iuwer kneht? |