Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5583 daz er ze deheinen stunden
        den boumen mohte entwîchen,
        er enmüeste sich dran strîchen.
        dô spürte in der guote
        allez an dem bluote
5588 verre unz daz er in vant.
        dô lôste er im diu bant
        von vüezen und von henden
        und brâhte den ellenden
        wider ze sînem wîbe
5593 mit unganzem lîbe
        und doch anders gesunden,
        als er in hete vunden,
        mit geiseln zeslagen.
        doch endorfte er nimmer geklagen,
5598 sît im daz leben beliben was,
        wan er dises smerzen wol genas.
        als si in ane sach,
        beide liebe und ungemach
        wâren in ir herzen schrîn,
5603 doch si niht wol ensament sîn.
[ zurück ]