einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5655 daz was den risen vor gezalt.die wâren im lange vîent genuoc: welh schulde si hin zuo im truoc, des enist mir niht kunt, wan si heten im zuo der stunt 5660 lâge al umbe den wec geleit und viengen in dâ er zuo reit. als Êrec hâte vernomen wie im sîn dinc was komen, durch schœnen list er sprach, 5665 im ze benemen sîn ungemach: "herre, missehabet iuch niht umbe dise geschiht, daz iu die risen hânt getân. jâ enwirt es nieman erlân 5670 swer sô manheit üeben wil, in enbringe geschiht ûf daz zil daz er sich schamen lîhte muoz: dar nâch wirt im es buoz. wie dicke ich wirs gehandelt bin!" 5675 mit dirre rede trôste er in. |