einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6675 ûf ein ungewarnte scharin aller gæhe liefe und wâfen über si riefe, er vlühe swem eht wære der lîp ze ihte mære: 6680 und wære ich gewesen bî, ich hete gevlohen, swie küene ich sî. sîn torste dâ niemen bîten âne vrouwen Ênîten. den tôten si vil gerne sach: 6685 ze liebe wart ir ungemach allez verkêret und ir vreude gemêret. bî der hant er si vienc: vil genôte er suochende gienc, 6690 unz daz er sîn îsengewant, ouch schilt unde sper vant, und wâfente sich als ê, sam im nie würde wê. sîner rosse vant er niht: 6695 "ouwê dirre geschiht! |