Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2274 so engerte er nihtes mêre
        wan daz im dienen solde:
        vürbaz er niene wolde.
         Die tavel hâte er alle wege
        in sîner heimlîchen phlege
2279 verborgen ûf sîner veste,
        dâ die niemen weste,
        diu dâ bî im vunden was.
        an der er tägelichen las
        sîn sündeclîche sache
2284 den ougen ze ungemache,
        wie er geborn würde
        und die süntlîche bürde
        sîner muoter und sînes vater.
        unsern herren got bater
2289 in beiden umbe hulde
        und erkande niht der schulde
        diu ûf sîn selbes rücke lac,
        die er naht unde tac
        mit sîner muoter uopte,
2294 dâ mite er got betruopte.