Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2322 mit weinen unde mit gebete,
        dô truckente er diu ougen
        und wânde sîniu tougen
        vor al der werlde wol bewarn.
        nû hetez diu maget alsus ervarn.
2327 war er die tavel leite,
        daz ersach si vil gereite.
         Dô sîn klage ein ende nam,
        diu maget vil harte schiere kam
        zuo ir vrouwen unde sprach:
2332 'vrouwe, waz ist der ungemach
        dâ von mîn herre trûret sô,
        daz ir mit im niht sît unvrô?'
        diu vrouwe sprach: 'waz meinestû?
        jâ schiet er niuwelichen nû
2337 von uns vil vrœlichen hie:
        waz möhte er, sît er von mir gie,
        vernomen hân der mære
        dâ von er trûric wære?
        wære im selhes iht gesaget,
2342 daz enhete er mich niht verdaget.
[ zurück ]