Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4165 dô suocht ich den künec Artûs,
        und envant dâ nieman ze hûs
        der sich ez wolde nemen an:
        sus schiet ich âne kempfen dan.
        des wart ich sô ze spotte hie
4170 daz ez mir an mîn herze gie.
        sus wurfen sî mich dâ her in,
        als ich des beitende bin
        daz sich mîn lîp sol enden:
        wan die mirz hulfen wenden,
4175 die sint mir nû vil ungereit.
        mir hulfe ûz dirre arbeit
        sweder ez weste von in zwein,
        her Gâwein ode her Îwein.'
         'Welhen Îwein meinet ir?' sprach er.
4180 sî sprach 'herre, daz ist der
        durch den ich lîde disiu bant.
        sîn vater ist genant
        der künec Urjên.
        der kumber dâ ich inne stên,
4185 der ist von sînen schulden.
[ zurück ]