Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3574 waz vrumet iu daz beiden?
        ir vreut an mir des tiuvels muot.
        mîn kurzwîle ist alze guot.
        ich bûwe hie zewâre
        in dem sibenzehenden jâre,
3579 daz ich nie menschen gesach.
        ich vürhte, diu vreude und der gemach
        diu ich mit rede mit iu hie hân,
        ich müeze ir ze buoze stân
        vor im der deheine missetât
3584 ungerochen niene lât.'
         Sus stuont er ûf und wolde dan.
        do beswuoren in die zwêne man
        alsô verre bî gote
        und bî sînem vorhtlîchen gebote
3589 daz er doch stille gesaz
        und hôrte ir rede vürbaz.
        nu buten si im beide
        mit triuwen und mit eide
        der rede selhe sicherheit
3594 diu im dâ was vür geleit
[ zurück ]