einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3379 ze Êrecken si mit vorhten sprach:"herre, durch got vernim mich: bewar ez oder man sleht dich. ich sihe vünf gesellen die dich slahen wellen." 3384 als schiere si imz seite, ze wer er sich bereite. ir einer hete sich ûz genomen und was den andern vür komen, daz er tjostierte wider in, 3389 ûf sîn selbes ungewin, wan in stach Êrec fil de roi Lac daz er underm rosse tôt lac. dannoch wâren ir viere. der einen er schiere 3394 ouch tôten von dem rosse stach unde daz sîn sper zebrach. dô enblient erz dem swerte. der strît unlange werte: er begunde vellen 3399 die drîe ze ir gesellen. |