einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein849 ich wil iu daz zewâre sagen,dem ir den vater hetet erslagen, dern vlizze sich des niht mêre wie er iu alle iuwer êre benæme, danne sî dâ tuot.854 iu habt ez eine, werdez iu guot.' Her Îwein lachet unde sprach 'vrouwe, mirn ist niht ungemach swaz mir her Keiî sprichet: ich weiz wol daz er richet859 an mir mîn ungewizzenheit. im ist mîn unvuoge leit: dien wold er mich niht verdagen. ouch kan erz mir wol undersagen mit selher vuoge als er ie pflac,864 die niemen wol gezürnen mac. mîn her Keiî der ist sô wîs und hât selch êre und selhen prîs daz man in gerne hœren sol; und hân ich nû wâr, daz wizzet ir wol.869 ich wil des iemer sîn ein zage |