Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5002 swaz ir im leides habt getân,
        und hât sich ouch gerochen wol,
        wand ich daz schiere schaffen sol
        daz ir im niemer mê getuot
        deweder übel noch guot.'
5007 Des antwurt im her Îwein sô
        'rîter, waz touc disiu drô?
        lât bœse rede und tuot diu werc:
        ode ich entsitze ein getwerc
        harter dan iuwern grôzen lîp.
5012 lât schelten ungezogeniu wîp:
        dien mugen niht gevehten.
        und wil sîn unser trehten
        nâch rehtem gerihte pflegen,
        sô sît ir schiere gelegen.'
5017 Nû hâte dem risen geseit
        sîn sterke und sîn manheit
        waz im gewæfen töhte
        und wer im geschaden möhte:
        in dûhte er hete gewæfens gnuoc
5022 an einer stange die er truoc.
[ zurück ]