Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1661 mîn gedanc ist nâch dir breit:
        ob mich dîn gnâde enbunde,
        ich wære dir iemer bereit
        swes ich gedienen kunde.
        mir erban der die kristenheit
1666 vil gerne verslunde,
        swære die mîn herze treit,
        ob diu an mir erwunde.
        von ungelücke nieman seit
        der des nie befunde:
1671 unheil mir über den wec schreit
        gelîch einem hunde;
        ze vaste ich mich dar ûf verreit,
        daz schadete mir an dem gesunde;
        sîn zant mich sêre versneit,
1676 mir bluotet noch diu wunde.
        Als ich der wunden emphant,
        dô nam mîn freude ein ende.
        mîn liep vor leide nâch verswant;
        wer ist der daz leit swende?
1681 ze sorgen ist ez mir bewant;
[ zurück ]