Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1343 daz sî sich niht enslüege mê.
        im tete der kumber alsô wê
        an dem schœnen wîbe
        daz erz an sînem lîbe
        gerner hæte vertragen.
1348 sîn heil begunder gote clagen,
        daz ir ie dehein ungemach
        von sînen schulden geschach.
        sô nâhen gienc im ir nôt,
        in dûhte des daz sîn tôt
1353 unclägelîcher wære
        dan ob sî ein vinger swære.
         Nû ist uns ein dinc geseit
        vil dicke vür die wârheit,
        swer den andern habe erslagen,
1358 und wurder vür in getragen,
        swie langer dâ vor wære wunt,
        er begunde bluoten anderstunt.
        nû seht, alsô begunden
        im bluoten sîne wunden,
1363 dô man in in daz palas truoc:
[ zurück ]