einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4073 er sprach und wolde in hân erslagen:"dû wæne ein abeleitære bist." "herre, si sint geriten, wizze Krist." "daz ist von dînen schulden." "nein ez, bî iuwern hulden." 4078 "sô hæten si des tages erbiten." ["herre, si sint nû geriten."] "sage, sint si iht verre?" "nein si entriuwen, herre: si riten an dirre stunt." 4083 "war sint si?" "deist mir unkunt." dô twanc in sîn untriuwe ze grôzer herzeriuwe. dem slâfe vluochte er sêre. er sprach: "mir enwas êre 4088 niht ze teile getân, daz ich sus verlorn hân daz schœniste wîp durch gemach die mîn ouge ie gesach, vremde oder kunde. 4093 vervluochet sî diu stunde |