Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1168 herze, daz ist mir iemer leit,
        unde büeze ez swâ ich sol.
        „lîp, nu gevellet mir dîn rede wol.“
        entriuwen unde tuot sî sô?
        „jâ sî zewâre alsô.“
1173 Nû leiste ich gerne swaz dû wil.
        „sô füege ich dir liebes vil.“
        herze, waz gap dir den gewalt?
        „lîp, dîn üppic frâge tuot mich alt.“
        nu enzürne niht und wis mir guot.
1178 „waz ist daz dir unsanfte tuot?“
        dû maht wol selbe wizzen waz.
        „würde ichs gemant, ich weste ez baz.“
        mir enwart nie helfe nôt wan nû.
        „sage, lîp, waz meinest dû?“
1183 mîn leben daz ist kumberlich.
        „bistû siech?“ nein ich.
        „kunde ich, lîp, ich hulfe dir.“
        dû solt âne dige helfen mir.
        „waz wirret dir? des bewîse mich.“
1188 dû weist ez alsô wol als ich.
[ zurück ]