Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1665 die marter und die arbeit
        die sî an sich selben leit,
        die sold ich billîcher enpfân.
        ouwê waz hât ir getân
        ir antlütze unde ir schœniu lîch,
1670 der ich nie niht sach gelîch?
        ichn weiz waz sî zewâre
        an ir goltvarwem hâre
        und an ir selber richet,
        daz sî den lîp zebrichet.
1675 dâ ist sî selbe unschuldec an:
        ouwê jâ sluoc ich den man.
        disiu zuht unt dirre gerich
        gienge billîcher über mich:
        ouch tæte sî got erkennen daz
1680 mir an mîn selbes lîbe baz.
        ouwê daz diu guote
        in selhem unmuote
        ist sô rehte wünneclîch!
        nû wem wære sî gelîch,
1685 enhete sî dehein leit?
[ zurück ]