einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4792 mich gnüeget rehter mâze.ich sag iu wie ich in bestê. als ich iu gelobete ê, kumt er uns vruo ze selher zît, swenne sich endet der strît,4797 daz ich umbe mitten tac ir ze helfe komen mac der ichz ê gelobet hân, sô wil ich in durch iuch bestân, durch mîner vrouwen hulde,4802 und durch iuwer unschulde.' Des trôstes wurden sî vrô unde machten im dô beide vreude unde spil, und sîne dûhte niht ze vil4807 deheiner der êren die sî mohten kêren im ze sînen hulden: sî dûhte ez wære von schulden. sî prîsten sêre sînen muot:4812 er dûhtes biderbe unde guot, |