einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3143 die si von ir triuwedurch ir mannes liebe leit? dô si in selhem zwîvel reit, ob si imz torste gesagen oder solde gedagen, 3148 nû redete si in ir muote: "rîcher got der guote, ze dînen genâden suoche ich rât: dû weist al eine wiez mir stât. mîner sorgen der ist vil, 3153 wan mir ein unsenftez spil in einer alsô kurzen vrist ze gâhes vor geteilet ist. nû enkan ichz wægeste niht ersehen: waz sol mir armen geschehen? 3158 wan swederz ich mir kiese daz ich doch verliese. warne ich mînen lieben man, dâ genim ich schaden an, wan sô hân ich den lîp verlorn. 3163 wirt aber diu warnunge verborn, |