einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6566 gehabe dich wol, wis unverzaget:dir geschiht daz dir geschehen sol, und anders niht, daz weiz ich wol.' Dô sî vol gâzen unde unlange gesâzen,6571 dô bette man in, den gesellen allen drin, durch ir gemach besunder. swer daz nû vür ein wunder ime selbem saget6576 daz im ein unsippiu maget nahtes alsô nâhen lac mit der er anders niht enpflac, dern weiz niht daz ein biderbe man sich alles des enthalten kan6581 des er sich enthalten wil. weizgot dern ist aber niht vil. diu naht gienc mit senften hin. got der müeze vüegen in des morgens bezzer mære6586 danne er getrœstet wære. |