einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage46 wan des gewaltes ist sô vildes dir an mir verlâzen ist, daz mir deheines mannes list fride dâ vor mac gegeben, ich enmüeze in dînem gewalte leben,51 daz ich dem niht entwenken mac. des gewinne ich manigen swæren tac; wan dich wil niht genüegen swes dû mir maht gefüegen nâhen gânder riuwe.56 daz ist ein untriuwe, - sît dû in mir gehûset hâst und dîn dinc an mir begâst, - diu under friunden missezimt, wan sî mir freude gar benimt.61 Zewâre, ez ist dîn ungenist; sît dû mir unnütze bist, lâ dich sîn niht gelüsten, - dû bist under mînen brüsten vil vaste beslozzen -,66 du belîbest sîn ungenozzen. |