Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2874 daz ich in hînte behalte.'
        sus gesenfte si mit güete
        dem vischære sîn gemüete,
        daz er ir des gunde
        daz si dâ zestunde
2879 dem wîselôsen nâch lief
        und daz si im her wider rief.
         Dô si in her wider gewan,
        dô was dem vischenden man
        sîn âbentezzen bereit.
2884 der grôzen unwirdikeit
        die er âne aller slahte nôt
        dem edeln dürftigen bôt,
        der wolde in daz wîp ergetzen
        und begunde im vür setzen
2889 ir aller besten spîse.
        die versprach der wîse,
        swie vil si in genôte.
        ein ranft von haberbrôte
        wart im dar gewunnen
2894 und ein trunc eines brunnen.
[ zurück ]