Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1888 swaz er dem gebôt und bat,
        daz vuor nâch sînem muote.
        daz galt er wol mit guote.
        sîn zerunge was rîche
        und doch sô bescheidenlîche
1893 daz im dar under nie gebrast:
        des wart er ein werder gast.
         Dô er vernam diu mære
        daz diu vrouwe wære
        schœne junc und âne man,
1898 daz ir daz urliuge dar an
        und diu ungenâde geschach
        daz si den herzogen versprach
        und daz si ze stæte
        die man versprochen hæte,
1903 dô hæte er si gerne gesehen:
        und wie daz möhte geschehen
        âne missewende,
        des vrâcte der ellende.
        ouch was ir von im geseit
1908 diu zuht und diu vrümikeit
[ zurück ]