einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2235 Mêlîz und Meljadoc.der turnei wart gesprochen über drî wochen von dem næhsten mântage. nâch der âventiure sage 2240 sô solde der turnei sîn zwischen Tarebrôn und Prûrîn: daz was in gelîche gelegen, in beiden ze halben wegen. nû schieden dise viere man 2245 mit urloube von dan, daz si sich bereiten dar zuo, wan ez was in niht ze vruo. Êrec fil der roi Lac maneger gedanke phlac, 2250 wie er dar sô kæme als sînem namen gezæme, wan er vor der stunde turnierens nie begunde. vil dicke gedâhte er dar an, 2255 in swelhem werde ein junger man |