einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius884 swie joch mit dem munde:ich meine den gnædigen got. sît daz ir des tiuvels spot sîne hulde hete entworht, daz hete si nû sô sêre ervorht889 daz si vreude und gemach durch sîne hulde versprach, sô daz si naht unde tac selher unmuoze phlac diu dem lîbe unsanfte tete.894 beide mit wachen und mit gebete, mit almuosen und mit vasten enlie si den lîp nie gerasten. diu wâre riuwe was dâ bî, diu aller sünden machet vrî.899 Nû was ir ein herre gesezzen unverre, des namen ir vil wol gelîch, beidiu edel unde rîch: der leite sînen vlîz dar an904 daz si in næme ze man. |