einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9891 alsô der êren krônedaz er zem prîse wart geseit daz von grôzer manheit nieman zer werlde kæme tiurre oder baz genæme, 9896 wan nie manne von den landen sô grôz dinc wære erstanden von rîcher âventiure. wan daz vrou Sælde ir stiure gap sîner ammen diu sîn phlac 9901 dô er in der wagen lac, sô enmöhtez nimmer sîn geschehen. als si die vrouwen heten gesehen, daz dûhte si ein vremdiu sache. nû vuorte si ze gemache 9906 diu vil edel künegîn. ir sêle müeze sælic sîn, wan si vil gerne âne bete vol tugentlîche tete. nû weste der künec Artûs 9911 die geste gerne in sînem hûs. |